Рыскүл Шайхисламова Сағым сезім

Арманым алыстап, сағым боп қалғансың,
Қияға ұша алмай қанатым талғансың.
Көлбеңдеп көзді арбап, тағы да алдайсың,
Өмір сен, өмір сен, жалғансың.

Өткен жылдар сағынышым,
Сағым сезім, жалын ішім.
Күмбез көңіл ашса екен,
Көлеңкелі жамылғысын.

Ай болып, жыл болып, құм сағат зырлайды,
Білдірмей уақыт әріңді ұрлайды.
Бағынып тұрсаң да өмірдің заңына,
Бағынбай бұл жүрек, жастықты жырлайды.

Өткен жылдар сағынышым,
Сағым сезім, жалын ішім.
Күмбез көңіл ашса екен,
Көлеңкелі жамылғысын.