Анастасия Макарова Дөньяның яктысы

Салкыннан өшегән җаннарга

Күңелем җылысын өләшәм.

Сүнмәсен, сүнмәсен учаклар -

Йөрәкнең ялкынын бүлешәм.

Сиңа да, миңа да җитәчәк -

Дөньяның яктысы, яктысы.

Бәхетле булганга күңелдә -

Теләкнең яхшысы, яхшысы!

Яхшы сүз яраны дәвалар -

Яратам дияргә ашыгам.

Сөюдән баш җуйган мизгелдә

Бәхетем йөгерә каршыга.

Йөрәккә сыя да бетә ул -

Җирдәге бәхетнең олысы.

Сиңа да, миңа да җитәчәк

Дөньяның җылысы, җылысы!

Сиңа да, миңа да җитәчәк -

Дөньяның яктысы, яктысы.

Бәхетле булганга күңелдә -

Теләкнең яхшысы, яхшысы!